پیرس:(نمایندہ خصوصی) فرانس کے دارالحکومت پیرس میں ریلوے اسٹیشن پرچاقو حملے میں 3 افراد زخمی ہوگئے۔ پولیس نے حملہ کرنے والے شخص کو گرفتار کرلیا ہے۔ چاقو بردار کے حملے سے پیرس کے سب سے بڑے اور مصروف ریلوے اسٹیشن پر بھگدڑ مچ گئی اور لوگ جان بچانے کے لیے دوڑ پڑے۔پولیس نے موقع پر پہنچ کر چاقو بردار حملہ آور کو گرفتار کرلیا۔ چاقو حملے میں زخمی تین افراد کو اسپتال منتقل کیا گیا جہاں ایک زخمی کی حالت تشویشناک بتائی جا رہی ہے۔ واقعہ کی مزید تحقیقات جاری ہیں۔
