سیاحتی اتھارٹی کے 45 سرکاری ونجی پارٹنرز بھی حصہ لے رہے ہیں ایئرلائنز، ٹریول ایجنسیز اور سیاحتی کمپنیز شامل ہیں۔
برلن:(پولیٹیکل ایڈیٹر)سعودی وزیر سیاحت احمد الخطیب نے جرمنی کے دارالحکومت برلن میں منعقد عالمی سیاحتی نمائش میں سعودی پویلین کا افتتاح کر دیا۔ڈان ٹی وی کے مطابق الخطیب نے دنیا کی سب سے بڑی سیاحتی نمائش ITB Berlin کی افتتاحی تقریب میں سعودی وفد کی قیادت کی اور متعدد سربراہان مملکت، وزراء، کاروباری شخصیات اور سیاحتی تنظیموں کی قیادت سے ملاقات کی۔سعودی پویلین میں سیاحتی اتھارٹی کے 45 سرکاری ونجی پارٹنرز بھی حصہ لے رہے ہیں جس میں ایئرلائنز، ٹریول ایجنسیز اور سیاحتی کمپنیز شامل ہیں۔نمائش میں مملکت کو سیاحتی شعبہ میں ملنے والی کامیابیوں کو نمایاں کیا گیا جس میں گزشتہ 4 برسوں میں 100 ملین سیاحوں کی آمد اور بین الاقوامی سیاحوں میں اضافہ کے حوالے سے فہرست ہونا شامل ہے۔
