سینٹرل لندن میں رمضان لائٹس روشن کرنے کی تقریب میں مختلف شعبوں اور مذاہب سے تعلق رکھنے والے افراد سے صادق خان خطاب
لندن:(سٹاف رپورٹر نوائے وقت)لندن کے مئیر صادق خان کا کہنا ہے کہ برطانیہ میں مسلمان اسلاموفوبیا کا نشانہ بن رہے ہیں۔سینٹرل لندن میں رمضان المبارک کی آمد پر لائٹس روشن کرنے کی تقریب سے خطاب کرتے ہوئے مئیر لندن صادق خان نے کہا کہ برطانیہ میں مسلمانوں نے زندگی کے ہرشعبے میں بہت ترقی کی ہے تاہم اس کے باوجود انہیں اسلامو فوبیا کا سامنا ہے۔صادق خان کا مزید کہنا تھا کہ وزیراعظم رشی سونک اور ان کی کابینہ اسلامو فوبیا کا لفظ تک استعمال کرنے سے ڈرتے ہیں۔ غزہ کے مسلمانوں کے لیے دعائیں کرتے ہیں۔سینٹرل لندن میں رمضان لائٹس روشن کرنے کی تقریب میں مختلف شعبوں اور مذاہب سے تعلق رکھنے والے افراد نے شرکت کی۔ سینٹرل لندن میں گزشتہ برس سے رمضان کی آمد پر لائٹس روشن کرنے کا سلسلہ شروع کیا گیا ہے۔
