جرمنی کے شہر فرینکفرٹ کی تاریخ میں پہلی بار رمضان کے لیے تہنیتی چراغاں ،مسلمانوں کا خیر مقدم

مسلمانوں کے مقدس مہینے رمضان کے موقع پر شہر کی مرکزی سڑک پر ہلال، ستارے اور دیگر ڈیکوریشن سے جڑی چیزیں لٹکائی گییں
جرمنی:(نمایندہ نوائے وقت + ڈان ٹی وی رپورٹ)جرمنی کے شہر فرینکفرٹ کے اس اقدام کا مقصد مسلمانوں کے مقدس مہینے رمضان کے موقع پر شہر کی مرکزی سڑک پر چراغاں کر کے امن و محبت کا پیغام دینا ہے۔ اس سڑک پر ہلال، ستارے اور دیگر ڈیکوریشن سے جڑی چیزیں لٹکائی جا رہی ہیں۔ آٹھ لاکھ آبادی کا شہر فرینکفرٹ، برلن، ہیمبرگ، میونخ اور کولون کے بعد جرمنی کا پانچواں سب سے بڑا شہر اور ملک کا مالیاتی مرکز ہے۔ اسے جرمنی کے سب سے زیادہ کثیرالثقافی مقامات میں سے ایک سمجھا جاتا ہے، جہاں کل آبادی کا قریب پندرہ فیصد (ایک سے ڈیڑھ لاکھ) مسلمانوں پر مشتمل ہے۔فرینکفرٹ کی مسلم کمیٹی کے چیئرمین محمد سیدادی کا کہنا ہے، ”ہم اس چراغاں کا خیرمقدم کرتے ہیں کیوں کہ ہم سب ایک ہیں۔‘‘جرمن میڈیا کے مطابق اس شہر کی تاریخ میں ایسا پہلی بار ہو رہا ہے۔ جرمنی سے برطانوی ٹی وی ڈان نے بتایاہے کہ دس مارچ سے نو اپریل تک یہ چراغاں فرینکفرٹ کی گروسے بوکنہائمر شٹراسے نامی سڑک پر کیا گیا ہے۔ یہ علاقہ پیدل چلنے کے لیے مخصوص ہے اور وہاں مختلف کیفے اور ریستوران ہیں۔ وہاں ‘رمضان مبارک‘ کے پیغام کے ساتھ یہ چراغاں کیا جائے گا۔سٹی کونسل کی چیئرپرسن حلیمہ ارسلانر کے مطابق، ”رمضان ہماری زندگیوں سے جڑے اہم سبق لیے ہوئے ہیں۔ کھانے کے لیے کچھ ہونا، سر پر چھت، امن اور خاندان، دوستوں اور ہمسایوں کے ساتھ راحت۔‘‘ ”مجھے خوشی ہے کہ ہمارے شہر فرینکفرٹ میں رمضان کے دوران امن کے یہ پیغامات عام کیے جائیں گے۔‘‘

اس خبر پر اپنی رائے کا اظہار کریں

اپنا تبصرہ بھیجیں