نوائے وقت سٹاف رپورٹرز+ڈان ٹی وی رپورٹ
لاہور پولیس نےپی ٹی آئی کے لطیف کھوسہ اور سلمان اکرم راجا سمیت 3 اراکین اسمبلی بیرسٹر طیب راشد سندھو، اویس عمر ورک اور سرفراز احمد ڈوگر متعدد رہنما و کارکنان گرفتارکرکے نامعلوم مقام پر منتقل کر دیا۔ ڈان ٹی وی کے مطابق پولیس نے دونوں رہنماؤں کو لاہور سے گرفتار کیا۔ احتجاج سے قبل ہی پولیس نے صدر گول چکر سے لطیف کھوسہ کو گرفتار کیا۔پولیس نے پی ٹی آئی کے رہنما سلمان اکرم راجا کو بھی لاہور سے گرفتار کر لیا۔سلمان اکرم راجا کو پولیس نے اچھرہ مین روڈ پراحتجاج کے دوران گرفتار کیا۔اسی طرح تحریک انصاف کے حمایت یافتہ سنی اتحاد کونسل کے 3 اراکین پنجاب اسمبلی کو کارکنوں سمیت گرفتار کر لیا۔جن اراکین اسمبلی کو گرفتار کیا گیا ان میں بیرسٹر طیب راشد سندھو، اویس عمر ورک اور سرفراز احمد ڈوگر شامل ہیں۔یہ اراکین انتخابات میں مبینہ دھاندلی کے خلاف لاہور میں شیڈول احتجاج میں شرکت کے لیے جا رہے تھے۔ایم پی ایز کو کارکنوں سمیت سگیاں پل پر گرفتار کر کے نامعلوم مقام پر منتقل کردیا گیا۔پولیس نے مبینہ دھاندلی کے خلاف احتجاج کرنے والے تحریک انصاف کے آٹھ کارکنوں کو بھی گرفتار کر لیا۔پولیس نے لاہور کے جی پی او چوک تحریک انصاف کے آٹھ کارکنوں کو گرفتار کیا۔ڈان ٹی وی کے مطابق پولیس ذرائع کاکہناتھا کہ تحریک انصاف کے ٹکٹ ہولڈر زاہد ہاشمی اور قاسم ہاشمی کو گرفتار کرلیا گیا، ملتان سے سینئر سیاستدان جاوید ہاشمی کے داماد اور نواسے کو گرفتار کرلیا گیا۔
