غزہ میں جنگ اور بھوک کی لہر کے درمیان فلسطینیوں نے رمضان المبارک کا پہلا روزہ بغیر دسترخوان کھولا
پولیٹیکل رپورٹر
غزہ:دنیا کے کئی ممالک کی طرح غزہ میں بھی رمضان المبارک کا آغاز ہوچکا ہے، جبکہ اسرائیل نے فلسطینیوں کو مسجد اقصیٰ میں نماز کی ادائیگی سے روک دیا۔اسرائیلی پولیس کی جانب سے سخت حفاظتی اقدامات اور غزہ میں جنگ اور بھوک کی لہر کے درمیان فلسطینیوں نے رمضان المبارک کا پہلا روزہ بغیرکسی دسترخوان کے کھولا ۔ دوسری جانب غزہ میں جنگ بندی کو یقینی بنانے کے لیے مذاکرات تعطل کا شکار ہیں۔ اقوام متحدہ کا کہنا ہے کہ غزہ غذائی قلت کا شکار ہے، رمضان المبارک میں جنگ بندی کا مطالبہ کرتے ہیں۔مقامی میڈیا کی رپورٹس کے مطابق اسرائیلی فورسز نے رمضان المبارک کے موقع پر یروشلم میں فلسطینیوں کو مسجد اقصیٰ میں داخل ہونے سے روک دیا۔
