کینیڈین دستاویزی فلم نے سکھ رہنما ہردیپ سنگھ کے قتل کا ذمہ دار بھارتی وزیراعظم کو ٹھہرا دیا
کینیڈین براڈکاسٹنگ کارپوریشن (سی بی سی) نے دستاویزی فلم جامع تحقیقات کے بعد نشر کی جس میں کئی عینی شاہدین کے بیانات بھی شامل کیے گئے
پولیٹیکل رپورٹر
لندن/کینیڈا:کینیڈین دستاویزی فلم میں سکھ رہنما ہردیپ سنگھ نجر کے قتل کا ذمہ دار بھارتی وزیراعظم نریندر مودی کو قرار دے دیا ہے۔کینیڈین براڈکاسٹنگ کارپوریشن (سی بی سی) نے دستاویزی فلم جامع تحقیقات کے بعد نشر کی جس میں کئی عینی شاہدین کے بیانات بھی شامل کیے گئے ہیں۔دستاویزی فلم میں ہردیپ سنگھ نجر کے قتل کے وقت کی خصوصی ویڈیو بھی شامل کی گئی ہے۔دستاویزی فلم میں سکھ رہنما گرپتونت سنگھ پنوں نے واضح کیا کہ کوئی شک نہیں کہ نریندر مودی نے ہردیپ سنگھ نجر کے قتل کا حکم دیا تھا، انہوں نے کہا کہ مودی سرکار نے بھارتی خفیہ ایجنسی ’را‘ کے سربراہ کو ان کے قتل کی بھی ہدایت کی تھی۔
