پاکستان 2025 میں آئی سی سی چیمپیئنز ٹرافی کی میزبان،اس میزبانی کے لیے پاکستان کس حد تک تیار ہے یہی دیکھنے کے لیے وہ آءے
ڈاکٹر اختر گلفام سے
دبی:پاکستان 2025 میں آئی سی سی چیمپیئنز ٹرافی کی میزبانی کرے گا۔ اس میزبانی کے لیے پاکستان کس حد تک تیار ہے یہی دیکھنے کے لیے انٹرنیشنل کرکٹ کونسل (آئی سی سی) کی ایک ٹیم 24 مارچ کو پاکستان آئی اور دورہ کر کے واپس چلی گئی۔آئی سی سی ٹیم کے اس دورے کا کیا نتیجہ رہا، اس حوالے سے پی سی بی کے ایک ذرائع نے نام ظاہر نہ کرنے کی شرط پر بتایا کہ ’ہم یہ نہیں کہہ سکتے کہ آئی سی سی کی ٹیم یہاں سے مکمل طور پر مطمئن ہو کر گئی ہے اور نہ ہم یہ کہہ سکتے ہیں کہ وہ بالکل ہی مایوس ہو کر گئے ہیں۔‘’جن سہولیات کا فقدان ہے اس کے بارے میں بات چیت کی، کرکٹ سٹیڈیم سے متعلقہ جتنی بھی چیزیں تھیں ہر چیز کو بڑی تفصیل سے چیک کیا، اپنے پوائنٹس نوٹ کیے اور بتایا کہ ہمیں بہت سارا کام کرنا پڑے گا۔‘
