تین چیزوں سے سعودی عرب کو فرانس پر فوقیت حاصل،
لیڈی رپورٹرنوائے وقت
ریاض:(ڈاکٹر اختر گلفام سے)سعودی عرب میں مقیم ایک فرانسیسی خاتون کی ویڈیو سوشل میڈیا پر ان دنوں گردش کررہی ہے، جس میں دیکھا جاسکتا ہے کہ فرانسیسی خاتون سعودی عرب کی خوبیوں سے اپنے ملک کا موازانہ کررہی ہیں۔
سوشل میڈیا کے پلیٹ فارم ’ٹک ٹاک‘ پر ایک فرانسیسی خاتون کا کہنا تھا کہ میں سیسلیا ہوں اور اس وقت سعودی عرب میں سکونت اختیار کئے ہوئے ہوں۔
فرانسیسی خاتون کے مطابق تین چیزیں ایسی ہیں جس کے باعث سعودی عرب کو فرانس پر فوقیت حاصل ہے، فرانسیسی خاتون نے خواہش ظاہر کی کاش یہ تین چیزیں فرانس میں بھی ہوجائیں۔
فرانسیسی خاتون کا کہنا تھا کہ سعودی عرب میں ہر کوئی دوسرے سے بہتر طریقے سے اور اچھے سلوک کے ساتھ پیش آتا ہے۔ اس کے علاوہ یہاں لوگ بے حد خوش اور مطمئن ہیں۔
دوسرے یہ کہ میں یہاں خود کو محفوظ سمجھتی ہوں اور دن ہو یا رات باہر اکیلے نکلتے خوف محسوس نہیں ہوتا، خاص طور پر ایک عورت کے طور پر گھر سے باہر نکلنے میں مجھے ڈر نہیں لگتا۔
فرانسیسی خاتون نے کہا کہ تیسرا یہ کہ سعودی عرب کے لوگ بہت زیادہ مہربان اور ایک دوسرے سے انتہائی محبت، پیار اور مسکراہٹ کے ساتھ پیش آتے ہیں چاہے وہ کوئی بھی ہو۔خاتون نے خواہش ظاہر کی کہ کاش ایسا فرانس میں بھی ہوجائے۔
