یہ شکاری ہیں،رابطوں کے لیے، پیسوں کے لیے اور تعلقات بنانے کے لیے استعمال کرتے ہیں،بھارتی شوبز انڈسٹری کی اصلیت بے نقاب
فلم انڈسٹری کے تاریک پہلوؤں کو بے نقاب کرتے ہوئے دعویٰ کیا ہے کہ لوگ طاقت اور اثرورسُوخ کے لیے شادی کرتے ہیں۔
شوبز رپورٹرنوائے وقت
ممبی: معروف ماڈل، اداکارہ اور ڈانسر نورا فتحی نے بالی وڈ کے مختلف شعبوں میں اپنی صلاحیتوں کے جوہر دکھائے ہیں۔ان کے انٹرویو نے ہر طرف ہلچل مچا دی ۔انہوں نے ایک حالیہ انٹرویو کے دوران بالی وڈ کے تاریک پہلوؤں کو بے نقاب کرتے ہوئے دعویٰ کیا ہے کہ ’اداکار ’نیٹ ورکنگ‘ کے لیے شادی کرتے ہیں۔‘
نورا کے لیے بالی وڈ کا سفر مشکل رہا ہے۔ ہندی فلم انڈسٹری میں کام کرنے والی کینیڈین اداکارہ کو ان کی کمزور ہندی کی وجہ سے ’تذلیل‘ کا سامنا بھی کرنا پڑا۔بالی وڈ انڈسٹری کے تاریک پہلوؤں کو بے نقاب کرتے ہوئے نورا فتحی کا کہنا تھا کہ ’میں یہ اپنے سامنے ہوتا دیکھ رہی ہوں۔‘
اس حوالے سے انہوں نے مزید کہا کہ ’میں نے اِسے شوبز انڈسٹری میں ہوتے دیکھا ہے۔ لوگ طاقت اور اثرورسُوخ کے لیے شادی کرتے ہیں۔‘
بالی وڈ میں بطور ڈانسر اپنی شناخت بنانے والی فنکارہ کا کہنا ہے کہ ’لوگ اپنی بیویوں یا شوہروں کو نیٹ ورکنگ کے لیے، رابطوں کے لیے، پیسوں کے لیے اور تعلقات بنانے کے لیے استعمال کرتے ہیں۔‘
’کوئی کہتا ہے کہ مجھے اُس (اداکارہ) سے شادی کرنی ہے تاکہ میں آئندہ تین برسوں تک انڈسٹری میں اِن رہ سکوں، کیونکہ اُس (اداکارہ) کی ریلیز ہونے والی نئی فلمیں باکس آفس پر اچھا کاروبار کر رہی ہیں۔‘
نورا فتحی کے مطابق ’بالی وڈ انڈسٹری میں لوگ اس طرح حساب کتاب کرتے ہیں۔ یہ بھی شکاری ہیں، کیا آپ ایسا نہیں سوچتے؟‘
