اپنے ہی گراتے ہیں نشیمن پہ بجلیاں :…………..قومی اسمبلی کے ملازمین پر سیاسی سرگرمیوں میں حصہ لینے پر پابندی عائد

محمد لطیف

اسلام آباد:حکومت نے قومی اسمبلی سیکریٹریٹ کے ملازمین کو سیاسی سرگرمیوں میں شرکت سے روکتے ہوئے باقاعدہ طور پر پابندی عائد کردی گئی ہے اور اس حوالے سے سرکلر بھی جاری کردیا گیا۔

جس کے مطابق قومی اسمبلی کے ملازمین کو سیاسی سرگرمیوں میں حصہ لینے سے روک دیا گیا ہے اور کہا گیا ہے کہ کوئی ملازم سیاسی، غیراخلاقی اور غیرقانونی سرگرمیوں میں ملوث نہیں ہوگا۔

کوئی بھی ملازم ڈیجیٹل میڈیا کے ذریعے جھوٹی خبریں، غلط معلومات اور افواہیں نہیں پھیلائے گا۔

قومی اسمبلی سیکریٹریٹ نے کہا کہ قومی اسمبلی کا کوئی غیر مجاز ملازم آفیشل انفارمیشن تک رسائی کی کوشش نہیں کرے گا اور ملازمیں کسی قسم کی سرکاری معلومات غیرمجاز افراد کو فراہم نہیں کرے گا۔

سرکلر کے مطابق ملازمین سے متعلق کسی معاملے پر سیکریٹریٹ پر اثر انداز ہونے کی کوشش نہیں کی جائے گی اور قومی اسمبلی کا کوئی ملازم کسی بھی سوشل میڈیا پلیٹ فارم پر غیرذمہ دارانہ جذبات کا اظہار نہیں کرے گا۔

قومی اسمبلی سیکریٹریٹ کی جانب سے حاضرسروس ملازمین کے ساتھ ساتھ ریٹائرڈ ملازمین کو بھی قوانین اور قواعد وضوابط کی پاسداری پر زور دیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں