حزیفہ جمشید نوائے وقت
لاہور: صدر مملکت آصف علی زرداری کی سالگرہ کی تقریب میں بجلی بند ہونے پر پاکستان پیپلزپارٹی کی مقامی قیادت اور کارکنان نے گو مریم گو اور شرم کرو حیا کرو کے نعرے لگادیے۔
لاہور میں آزادی فلائی اوور پر پاکستان پیپلزپارٹی کی مقامی قیادت کی جانب سے صدر مملکت آصف علی زرداری کی سالگرہ کی تقریب جاری تھی کہ اس دوران وہاں کی بجلی منقطع کردی گئی۔بجلی منقطع ہونے پر قیادت اور کارکنان مشتعل ہوئے اور انہوں نے وزیراعلیٰ پنجاب مریم نواز کے خلاف نعرے بازی کرتے ہوئے ’گو مریم گو، شرم کرو حیا کرو‘ کے نعرے لگائے۔
پیپلزپارٹی کے رہنما فیصل میر نے خطاب کرتے ہوءے کہا کہ اگر آج تم نے لائٹس بند نہ کروائی ہوتی تو تمہاری بات نہ ہوتی، یہ جو کچھ ہو رہا ہے مریم کے کہنے پر ہو رہا ہے، اگر پاکستان پیپلز پارٹی ن لیگ کا ساتھ نہ دیتی تو آج یہ جیل میں ہوتے، مریم نواز بشریٰ بی بی کی جگہ جیل میں ہوتی اور شہباز شریف نواز شریف بانی پی ٹی آئی کی جگہ جیل میں ہوتے۔
