محمد ناصر غلزاءی ،نوائے وقت
پشاور:خیبرپختون خواہ اسمبلی میں حماس کے سربراہ اسماعیل ہانیہ کی شہادت پر تعزیتی قرارداد متفقہ طور پر منظور کر لی گئی ۔صوبائی اسمبلی میں قرارداد جمعیت علماء اسلام ف کی خاتون رکن ریحانہ اسماعیل کی جانب سے پیش کی گئی تھی۔ قرارداد میں شہید اسماعیل حانیہ کو خراج تحسین پیش کیا گیا ہے۔ قرارداد کے متن میں کہا گیا کہ حماس کے شہید رہنما اسماعیل ہانیہ نے اپنی تمام زندگی فلسطینی عوام کی ازادی کے لیے وقف کر رکھی تھی ۔ تاریخ میں اسماعیل حانیہ کا نام فلسطینی مجاہد اور عوام کے ہیرو کے طور پر یاد رکھا جائے گا ۔قرارداد میں مطالبہ کیا گیا کہ عالمی برادری فلسطینی عوام کے حقوق اور جاری مظالم کے خاتمے کے لیے فوری اقدامات اٹھائے۔