دوسرا ٹیسٹ؛ طلباء کا داخلہ مفت، مگر شرطوں کے ساتھ

اسلم گوندل نوائے وقت

اسلام آباد :پاکستان کرکٹ بورڈ (پی سی بی) نے بنگلادیش کیخلاف دوسرے ٹیسٹ میچ کیلئے طلباء کا داخلہ مفت کردیا۔

بورڈ کی جانب سے جاری کردہ اعلامیے میں کہا گیا ہے کہ اسٹیڈیم میں داخلے کیلئے طلبا کو یونیفارم لازمی پہننا ہوگا جبکہ تعلیمی ادارے کا کارڈ ہونا بھی لازمی شرط ہے۔

طلبا کیلئے کسی بھی وی آئی پی انکلوژرز (عمران خان اور جاوید میانداد) میں داخلہ سیٹوں کی دستیابی سے مشروط سے ہوگی جبکہ پریمیم انکلوژرز (میراں بخش، شعیب اختر، سہیل تنویر اور یاسر عرفات) سے میچ دیکھ سکیں گے۔

طلباء کیلئے مفت داخلے کی پالیسی کا اطلاق پی سی بی گیلری یا پلاٹینم باکس میں نہیں ہوگا۔

دوسری جانب پہلے ٹیسٹ کی طرح دوسرے میچ میں بھی شائقین کیلئے مفت شٹل بس سروس کی سہولت بحال رہے گی۔

قبل ازیں راولپنڈی میں کھیلے گئے پہلے ٹیسٹ میچ کے دوران شائقین کی عدم دلچسپی پر آخری دو روز کیلئے فینز کا داخلہ مفت کردیا تھا۔

اس خبر پر اپنی رائے کا اظہار کریں

اپنا تبصرہ بھیجیں