یہ ایرپورٹ جون اور ستمبر کے درمیان 30 ملین مسافروں کو خدمات مہیا کرنے کی راہ پر ہے، جو اس کی تاریخ میں اس مدت دوران مسافروں کی سب سے زیادہ تعداد ہو گی
ڈاکٹر اختر گلفام ایڈیٹر انچیف نوائے وقت
لندن:برطانیہ کے سب سے بڑےہوائی اڈے ہیتھرو کی انتظامیہ کے مطابق اگست کے مہینے میں تقریباً 80 لاکھ افراد نے اس ایئر پورٹ کے ذریعے سفر کیا، جو مسافروں کی تعداد کے حوالے سے ایک نیا ماہانہ ریکارڈ ہے۔ 18 اگست ہیتھرو کے لیے مصروف ترین دن بھی رہا، جب اس کے ذریعے 269,000 مسافروں نے سفر کیا۔
برطانیہ کے سب سے بڑے ایئر پورٹ کے لیے رواں موسم گرما اور خاص طور پر اگست کا مہینہ اس کی تاریخ کا مصروف ترین عرصہ رہا۔ جولائی اور اگست کے دوران اس ہوائی اڈے پر ایک مقامی برانڈ کے 950,000 سے زائد کافی کے کپ فروخت ہوئے۔
اب لندن میں قائم یہ ہوائی اڈہ جون اور ستمبر کے درمیان 30 ملین مسافروں کو خدمات مہیا کرنے کی راہ پر ہے، جو اس کی تاریخ میں اس مدت دوران مسافروں کی سب سے زیادہ تعداد ہو گی۔
ہیتھرو ایئر پورٹ کے چیف ایگزیکٹیو تھامس وولڈ بائی کی جانب سے جاری کیے گئے ایک بیان میں کہا گیا،”میں ٹیم ہیتھرو کا شکر گزار ہوں کے انہوں نے اپنی تیاری اور لگن سے پہلے کے مقابلے میں کہیں زیادہ مسافروں کے لیے غیر معمولی خدمات فراہم کیں اور ہمارے مصروف ترین موسم گرما کے دوران سروس کی اعلیٰ سطح کو برقرار رکھا۔‘‘
ان کا مزید کہنا تھا، ”گزشتہ چار مہینوں میں ہم نے کئی نئے ریکارڈ بنائے ہیں، جو زیادہ سے زیادہ لوگوں، کارگو، کاروبار اور برطانیہ کی معیشت کے لیے مواقعے کی ایک دنیا کھولنے کی اپنی صلاحیت کو ظاہر کرتے ہیں۔‘‘ گزشتہ ماہ گرمیوں کی چھٹیوں کے لیے ہیتھرو ایئرپورٹ سے سفر کرنے والوں کے مقبول ترین تفریحی مقامات اسپین، یونان، اٹلی اور ترکی رہے۔
ہوائی اڈے کے جاری کردہ بیان کے مطابق امریکی گلوگارہ ٹیلر سوئفٹ کے کنسرٹس کی وجہ سے اس موسم گرما میں 40,000 اضافی مسافر آئے۔ اس بیان میں مزید کہا گیا کہ جولائی اور اگست کے دوران اس ہوائی اڈے پر 950,000 سے زیادہ پریٹ کافی کے کپ فروخت ہوئے۔ پریٹ کافی کی وہ چین ہے، جو 1986 میں لندن میں شروع کی گئی تھی۔
