یہ رقم کسی بھی برطانوی رکن پارلیمنٹ کی جانب سے ظاہر کی گئی رقم سے زیادہ ہے
ڈاکٹر اختر گلفام ایڈیٹر انچیف نوائے وقت
لندن:برطانیہ کے وزیراعظم سر کئیر اسٹارمر نے سن 2019 سے ابتک ایک لاکھ پاؤنڈز سے زیادہ مالیت کے تحائف اور بینیفٹس ظاہر کردیئے۔
یہ رقم کسی بھی برطانوی رکن پارلیمنٹ کی جانب سے ظاہر کی گئی رقم سے زیادہ ہے۔ اپریل سن 2020 سے کئیر اسٹارمر لیبر پارٹی کے رکن پارلیمنٹ ہیں، جولائی میں وہ برطانیہ کے وزیر اعظم کے منصب پر فائز ہوئے۔
برطانیہ کے وزیراعظم کو اس بات پر شدید تنقید کا سامنا کرنا پڑ رہا ہے کہ انہوں نے ایک امیر کاروباری شخصیت سے ہزاروں پاؤنڈ مالیت کے کپڑے تحفے میں لیے تھے۔
برطانوی وزیراعظم کا کہنا ہے کہ انہوں نے کسی قانون کی خلاف ورزی نہیں کی اور تمام تحائف ظاہر کیے ہیں۔
واضح رہے کہ برطانوی وزیراعظم کیخلاف اہلیہ کو تحفے میں ملنے والے کپڑے ڈکلیئر نہ کرنے پر تحقیقات شروع کردی گئی ہیں۔
